Hello

Sumarið alveg að verða búið og skólinn að fara að byrja aftur. Sumarið er búið að vera svo fljótt að líða, þar að segja er tíminn búinn að vera svo fljótur að líða. Maður finnur það þegar maður er búin að eignast barn. Gullmolinn okkar er að verða 16 mánaða og mér finnst eins og hann hafi fæðst í gær. Samt skrýtið því að mér finnst eins og ég hafi alltaf átt hann

Tanía og Indi vinafólk okkar áttu yndislega stúlku 8 ágúst síðastliðinn. Hún fæddist 17 merkur og 55 cm. Elsku Tanía og Indi, innilega til hamingju með prinsessuna, hún er algjör gullmoli.

Gunnar Freyr er að fara í nekirtlatöku og ástungu á eyrun á miðvikudaginn. Við eigum að mæta klukkan hálf 11 í Reykjavík. Finnst það svolítið seint því að hann á áð fasta frá klukkan 4 um nóttuna. Það verður örugglega mjög erfitt því að hann yfirleitt vaknar klukkan 7 og vill fá að borða strax. Þetta verður vonandi ekkert mál því að Gunnar Freyr er alltaf svo duglegur

Jæja, vildi bara láta vita aðeins af mér.

Bæjó

Sumarfríið búið og sumarið rétt byrjað Sumarfríið var fimm vikur og mér fannst eins og að ég hafi verið í fríi í eina viku. Er samt glöð að vera byrjuð aftur að vinna, er nú búin að vera í svo löngu fríi (fæðingarorlofi).

Leikskólinn hans Gunnars Freys fer í fimm vikna sumarfrí á morgun og það er heldur leiðinlegt að vera ekki á sama tíma í fríi. Svona er þetta bara og verðum við bara að gera sem skemmtilegast úr því Við erum heppinn að Doddi á 2 vikur í fæðingarorlof eftir og ætlar hann að taka 50 % í mánuð, þannig að ég fer að vinna og þegar ég kem heim fer hann að vinna. Þetta verður því notalegt og gott fyrir Gunnar Freyr að þurfa ekki að vera í pössun hér og þar

Í sumarfríinu málaði ég herbergið hans Gunnars Freys og hann byrjaði að sofa í sínu herbergi. Hann er rosalega sáttur við það Við fórum til læknis um daginn vegna þess að Gunnar Freyr er búinn að vera með svo mikinn vökva í eyrunum og hann á að fara í nefkirtlatöku og á að taka allann vökvann úr eyrunum. Við eigum að mæta 15 ágúst. Vonandi mun honum líða betur vegna þess að þetta er að pirra hann mikið.

Gunnar Freyr er farinn að labba út um allt Hann er kannski aðeins að flýta sér vegna þess að þegar hann er að labba hleypur hann nánast. Það er ekki alveg nógu gott vegna þess að hann er alltaf að detta og er aldrei einn dagur án þess að hann sé með margblett, kúlu eða glóðurauga. Ég er aðeins farin að venjast þessu, var rosa hrædd að hann myndi slasa sig mikið en nú er hann sjálfur bara farinn að standa upp og segir Æ, Æ. Bara sætastur  

Sumarkveðja Sóley

Hello Hello.

Skólinn búinn og sumarið byrjað, þó svo að veðrið sé ekki alveg eftir pöntun. Það hlýtur að fara að koma gott veður. Ég er búin að fá einkunnirnar mínar og gekk mér bara ágætlega. Tók reyndar ekki eitt próf en ég ætla að taka það í ágúst. Ég fékk 7 í Andlegum og líkamlegum þroska barna. Fékk 7,5 í Þroskaþjálfafræði og starfsvettvangur og svo fékk ég 8 í Sálfræði fullorðinsára.

Haldið þið að mín sé ekki komin í sumarfrí Já, búin að vinna í 4 vikur og er strax komin í sumarfrí. Svolítið skrýtið en samt frábært því að Gunnar Freyr er byrjaður á leikskólanum og hef því betri tíma til þess að aðlaga hann. Hann er svo duglegur, honum finnst geggjað gaman að leika við krakkana Var í fyrsta skipti án okkar á leikskólanum í dag og það var ekkert mál. Á morgun förum við í lengri tíma í burtu. Svo byrjar hann alveg á mánudaginn eða þriðjudaginn. Hann er svo mikill gullmoli

Ég, Doddi og Gunnar Freyr vorum öll lasin í síðustu viku og fram til þriðjudags, svakaleg flensa. Hiti, beinverkir, hálsbólga og eyrnabólga, ekki skemmtilegt. En erum öll búin að ná okkur ágætlega þó svo að hálsbólgan og eyrnabólgan séu smá til staðar. Við þurfum bara að passa okkur vel því að við viljum ekki fá þessa flensu aftur  7 9 13.....

Vildi bara skrifa smá fréttir af okkur....

Skrifa bráðlega aftur

Kveðja Sóley

Það er allt frábært að frétta af mér. Ég er byrjuð að vinna aftur eftir 14 mánaða frí. Fyrsti vinnudagurinn var í gær og verð ég að vinna frá klukkan 8 til 1. Það var nú svolítið skrýtið að vakna og drífa sig út þegar maður er búin að vera bara á náttfötunum og hafa það kósý heima með prinsinum. En þetta leggst mjög vel í mig, hlakka til að fá rútínu á daginn en Gunnar Freyr byrjar vonandi á leikskóla enda mánaðarins. Hann mun fara á leikskólann klukkan hálf átta, ég í vinnu og þegar ég er búin að vinna þá fer mín heim að læra og mun sækja hann fyrir klukkan 4. Fannst fyrst hræðilegt að hann myndi vera á leikskólanum svona lengi yfir daginn en ég held að það sé fyrir bestu að vera búin að læra þegar hann kemur heim. Því þá getum við átt góðar stundir saman án þess að vera að stressa sig í að læra

Gunnar Freyr var lasinn um daginn í alveg 2 vikur. Hann byrjaði að vera lasinn á afmælisdaginn sinn og fékk þá hita. Seinna fékk hann svona mikla eyrnabólgu og hálsbólgu en fékk sýklalyf. Nú er hann búinn að vera hitalaus í nokkra daga og búinn á sýklalyfinu. Hann reyndar er búinn að vera svolítið pirraður í dag og í gær en ég held að það sé nú bara tennurnar. Er að fá fleirri en hann er kominn með 7 tennur

Prófin eru byrjuð en vegna þess að ég gat lítið lært þegar Gunnar Freyr var lasinn þá fór ég ekki í eitt próf og því tek ég það í ágúst. Svolítið leiðinlegt að þurfa að læra í sumar en ég skipulegg mig bara vel þá verður þetta ekkert mál Skilaði stórri riitgerð í gær og er að fara í eitt próf á miðvikudaginn.

Hlakka svo til þegar prófið er búið. Ætla að hafa það gott í sumar, reyna að fara í einhver ferðalög, mála grindverkið heima og vera mikið úti. Vonandi verður bara gott veður svo að prinsinn geti nú verið mikið úti, því að hann er algjör útikall Elska hann út af lífinu

 Jæja, þetta er nú orðin meiri langlokan......

Bæjó

Gullmollinn okkar á afmæli í dag   Hann er orðinn eins árs, það er alveg ótrúlegt hvað tíminn er fljótur að líða.

Kveðja Sóley

Ég á afmæli í dag, orðin 25 ára Vá, það er aldeillis. Orðin bara gömul.....hahaha....ekkert of samt...

Ég hélt afmælið mitt í gær og ég skemmti mér rosalega vel. Vona að allir hafi líka skemmt sér vel. Takk æðislega fyrir mig

Ætla að fara að borða góðan mat og hafa það kósý

Heyrumst

Það er alveg að koma páskar og þá verður heldur betur tekið sér frí hvað varðar allan lærdóm Er búin að vera á fulla að læra í eina viku og var að senda áðan tvö stór verkefni, víííí, það er svo gaman þegar maður er búin.

Mín ætlar að halda upp á afmælið sitt um helgina en þá verð ég 25 ára. Það verður bara gaman

Það er allt gott að frétta af okkur fjölskyldunni. Það er ekki nema 2 vikur þangað til að litli gullmolinn okkar verður 1 árs. Það er ótrúlegt hvað tíminn er fljótur að líða, finnst eins og ég hafi verið á fæðingardeildinni í gær.

Jæja, nenni ekki að skrifa meira.

Gleðilega páska og hafið þið sem allra best, alltaf

Bara fyndið......

 Allt gott að frétta á mínum bæ. Er reyndar að drukkna í verkefnavinnu í skólanum.....en þetta tekur bráðum enda og ég get ekki beðið Sé mig alveg fyrir þegar skólinn er búinn, þá kemur sumar og vonandi sól. Þá verður sko gaman, að fara út að leika við litla prakkarann og þurfa ekki að læra neitt. Þá ætlar mín sko að njóta sín í botn í faðmi fjölskyldunnar.

Gunnar Freyr fór til eyrnalæknis í dag út af vökvanum í eyrunum. Læknirinn sagði að það væri svo lítill vökvi að það þyrfti ekki að gera neitt. Hann þarf bara að vinna úr þessu sjálfur en ef að hann myndi versna þá ættum við að koma aftur. Við erum svo glöð að hann þurfi ekki að fá rör og vonum að hann vinnu úr þessu. Það er bara svo sárt að vita af því að honum er illt því að hann grætur stundum mikið, klíppur í eyrun sín og á erfitt með að festa svefn. En svona er þetta bara, ekkert hægt að gera.

Það er svo skrýtið að hugsa til þess að gullmolinn okkar verður 1 árs í næsta mánuði, þetta er svo ótrúlega fljótt að líða. Áður en maður veit af, þá á maður eftir að sitja í ruggustólnum að prjóna vettlinga á barnabarnabörnin sín (vona að ég kunni þá að prjóna)  hehehe

Tökum bara einn dag í einu og njótum hans í botn

Heil og sæl

Allt ágætt að frétta af okkur. Gunnar Freyr er samt búin að vera meira og minna lasinn í rúmar 3 vikur. Það er eins og hann ætli ekki að ná þessu úr sér, þessi elska. Er núna búin að vera hitalaus í 5 daga og fór í fyrsta skiptið út í vagn í dag síðan að hann veikstist. Það er bara vonandi að hann verði ekki aftur veikur.

Ég er búin að vera að reyna að læra en það er búið að ganga hálf hægt á meðan hann að hann var veikur en nú get ég lært aðeins meira.

Erum að fara í afmæli til Hrenfu og Beggu um helgina. Þær eru 25 ára og ætla því að halda þessi 50 ár samtals saman....heheheh.... Mamma og pabbi ætla að passa litla kút og við ætlum sko að njóta þess.

Jæja, ætla nú að fara að læra svo að ég nái upp því sem ég er búin að missa af...

Kveðja Sóley

Gunnar Freyr er búinn að vera lasinn. Hann rauk upp í 40 stiga hita um daginn en nú er hann ekki með nema nokkrar kommur. Erum að fara með hann til læknis á eftir því að hann er farinn að hósta svo mikið og svo vill hann ekki borða né drekka mikið.

Annars er allt ágætt að frétta af okkur. Gunnar Freyr er orðinn 9 mánaða og hann er farinn að standa upp, skríða og gera svo margt. Það er æði Ég er byrjuð í skólanum á fullu, náði öllu fyrir áramót. Rosalega ánægð Er ekki enn farinn í ræktina, finnst svolítið erfitt að fara frá prinsinum þegar hann er veikur. Byrja á fullu þegar hann er orðinn betri

Ætla að fara að læra smá, meðan að gullmolinn sefur.

Heyrumst

Gleðilegt ár öllsömul og takk fyrir það gamla

Þá er mín byrjuð aftur í skólanum. Nú ætla ég að taka 4 fög og það stefnir á það að ég taki 2 próf í mai. Það er ágætt því að ég tók 5 fög síðast og fór í 4 próf. Það er aldeilis sem að kennarar fá langa tíma í að fara yfir próf. Á enn eftir að fá eina einkunn og það í erfiðasta prófinu en það kemur í ljós hvernig það fer. Mér gekk vel í hinum fögunum og útkoman var svona: Inngangur að uppeldisvísindum 8. Aðferðir í starfi með fötluðum 7,5. Fötlun og taugasjúkdómar 6. Óhefðbundnar tjáskiptaleiðir 8,5. Ég er mjög ánægð með útkomuna og vona innilega að ég nái hinu faginu sem er Geðraskanir.

Ég er ekkert búin að hreyfa mig né passa mataræðið síðan 16 desember en nú ætlar mín að halda áfram. Var búin að missa um 9 og hálft kíló fyrir jól en fór á vigtina í gær og er búin að bæta á mig einu kílói Enda mín ekkert búin að vera dugleg í mataræðinu um jólin..... Nú verður bara tekið á því og stefna á næsta markmið sem er að losna við 6 til 8 kíló fyrir afmælið mitt sem verður 7 apríl

Það er allt gott að frétta að okkur litlu fjölskyldunni Gunnar Freyr er að verða 9 mánaða, áður en við vitum af þá verðum við að halda 1 árs afmælið hans. Rosalega fljótt að líða. Hann fór í sprautu og skoðun í morgun og gekk það mjög vel. Pabbi hans fór einn með hann því að ég var í skólanum og hann sagði að hann hafi nú samt farið að gráta smá en það var búið strax. Læknirinn var ekki alveg ánægður með þyngdina hjá Gunnari Frey, hann hafði aðeins þyngst um 200 grömm á 2 mánuðum. Þegar Doddi sagði mér það þá leið mér hræðilega illa, því að Gunnar Freyr er búin að vera smá pirraður á daginn og ég alltaf að reyna að finna út hvað væri að. Svo er hann bara svangur þessi elska, það er svona, maður getur ekki vitað allt. Þannig að nú þurfum við að gefa honum meira að borða, þó svo að hann borðar alltaf mjög vel og einnig mikið. Það er kannski ekki skrítið að hann þurfi að borða meira því að hann er algjör orkubolti

Verið jákvæð, góð og njótið lífsins

Kveðja Sóley

Elsku besta systir mín á afmæli í dag Til hamingju með afmælið Helga okkar, við elskum þig.

Mamma og pabbi eru út á Kanarý til að fagna 50 ára afmæli hjá þeim báðum. Til hamingju með það. Þið eruð best og við elskum ykkur. Hlökkum til að sjá ykkur á fimmtudaginn

Kveðja Sóley, Doddi og Gunnar Freyr

P.s. Klukkan er vitlaus í tölvunni hjá mér, hún er hálf tólf þannig að það er enn 1 jan

Jæja, þá eru prófin búin Rosalega er ég glöð, nú getum við fjölskyldan farið í jólastuð. Farið að kaupa jólagjafir, skreyta og haft gaman. Mér gekk ágætlega í prófunum samt er svolítið erfitt að segja til um það. Þetta kemur allt saman í ljós, er alveg sátt þar sem ég gerði mitt besta Elskan mín, hann Doddi tók 2 vikur í fæðingarorlof á meðan að ég var í prófunum svo að ég gæti einbeitt mér algjörlega að lærdómnum.

Ég fór í mælingu á miðvikudaginn þar sem þetta námskeið er búið. Ætla að byrja aftur eftir áramót en ætla samt að passa mig í mataræðinu um jólin, þó svo að það verði nú borðað eitthvað gott og hreyfa mig með því að fara út að labba eða í sund. Ég er svo stolt af mér.  Á 14 vikum hef ég losnað við 8,6 kíló, 4% fitu og 43 cm Ég ætla mér að halda áfram og ná mínu markmiði.

Jæja...nenni ekki að skrifa meira núna.

Hafi þið það sem allra best um jólin

Jólakveðja Sóley 

Sit hér og er að reyna að læra :/..... Það er pínu óþægilegt þegar maður lendir í því að vilja gera gjörsamlega allt annað en að læra....en svona er það víst.

Það er ekki mikið eftir og verð ég að leyfa öðru að bíða eins og að þrífa heimilið, skreyta, skrifa jólakort eða versla jólagjafir. Í dag leyfði ég mér nú samt að fara með litlu sætu fjölskyldunni minni í bónus svo fengum við okkur að borða og skoðuðum jólaljósin í bænum. Það var æðislegt.  

Ég er búin með 2 próf og ég á 2 eftir. Á föstudaginn klukkan 12 þá verður mín búin....vei..vei..vei. Það hefur gengið ágætlega en samt veit ég ekki hvort að ég nái öllu en það verður bara að hafa það, ég hef einn upptekurétt. Ég geri mitt besta, ég get ekki gert betur

Það skemmtilegast sem er búið að gerast á mínum bæ er að litli gullmollinn okkar er farinn að skríða     Þegar ég kom heim eftir próf á fim þá segir Doddi við mig að hann haldi að Gunnar Freyr sé farinn að skríða. Þá var hann upp í rúmi með pabba sínum og var að reyna að koma sér áfram. Við settum hann á gólfið, hann fór á magann og byrjaði minn ekki bara að skríða. Hann skríður þannig að hann notar hendurnar og spyrnir með fótunum, algjör draumur. Við erum svo montinn af honum

Mataræðið hefur nú ekki verið upp á sitt besta þessa daga, svolítið erfitt að stjórna sér þegar maður situr við tölvuna og bækurnar alla daginn....en ég ætla mér að laga það. Fór á vigtina á fös en hún sýndi að ég er búin að losna við 8 kíló og er ég mjög stolt af því. Veit ekki með cm né fituprósentuna en á fim er síðasti tíminn í aðhaldinu mínu fyrir jól og þá fæ ég að vita hvað ég er búin að missa....spennandi.....

Jæja....var ég ekki að tala um hvað það væri óþægilegt að vilja gera allt annað en að læra.....hvað er mín að gera nú.....ekki að læra :/

Þannig að nú ætla ég að halda árfam.

Farið aldrei að sofa ósátt.......það geri ég aldrei